19 il əvvəl "YouTube"da yayılan ilk VİDEO - İndi də baxmaq olur

19 il əvvəl, 2005-ci il aprelin 23-də məşhur "YouTube" platformasına ilk video yüklənib. “Mən zooparkda” adlı bu qısa videonu xidmətin yaradıcılarından biri Caved Kərim yayıb.

Lent.az xarici KİV-ə istinadən xəbər verir ki, San Dieqo zooparkında lentə alınan videoda Kərimin özü fillər və onların bədənlərindən danışır.

Bu videonun operatoru Kərimin dostu Yakov Lapitsky idi. Bu günə qədər, 23 aprel 2024-cü ildə bu videoya 316 milyondan çox istifadəçi baxıb. 16 milyon bəyənmə və 362 min dislike alıb.

Xatırladaq ki, "YouTube"un təqdimatı 2005-ci il fevralın 14-də baş tutub. Bu platforma dizayner Çad Hurley və proqramçılar Stiv Çen və Caved Kərim tərəfindən yaradılıb.

Bundan əlavə, qeyd edirik ki, "YouTube" təkcə videolara baxmaq üçün platforma deyil, həm də məzmun yaratmaq və mediaya təsir etmək üçün mühüm alətə çevrilib. Zaman keçdikcə platforma real vaxt rejimində yayım, "YouTube Premium" və "YouTube TV" vasitəsilə məzmuna ödənişli baxmaq, həmçinin öz kanallarınızı və icmalarınızı yaratmağı təklif edərək funksionallığını genişləndirib.

2006-cı ildə "YouTube" "Google" tərəfindən alınıb və bu, onun tarixində əsas məqam olub. Ona texnoloji və maliyyə imkanlarını genişləndirməyə imkan verib. Bu gün "YouTube" dünyanın ən çox ziyarət edilən və nüfuzlu onlayn platformalarından biri olaraq qalır.