Yuxusuzluqla stresssiz mübarizə aparmağın mümkün olduğunu mütəxəssislər açıqlayır.
Lent.az xarici mediaya istinadla bildirir ki, axşamlar yuxuya getməkdə çətinlik sağlamlığa mənfi təsir edir, lakin yapon metodikası sayəsində insan gərginlik olmadan tez bir zamanda yata bilir.
Metodun mahiyyəti
Yuxu üzrə ekspert Hiroşi Takeda ənənəvi yapon üsulu olan “şikibuton”dan danışıb. Bu yerə sərilən nazik döşəkdir. Yumşaq çarpayıdan fərqli olaraq şikibuton onurğanı neytral vəziyyətdə saxlayır, bədənə düşən təzyiqi azaldır və qan dövranını yaxşılaşdırır ki, bu da daha sürətli rahatlamağa və yuxuya getməyə kömək edir.
Yapon metodunu evdə necə tətbiq etmək olar?
Qarabaşaq yastığı
Yaponiyada məşhur olan bu yastıq qarabaşaq qabığından hazırlanır, baş üçün yaxşı dəstək və hava dövranı təmin edir. “Yaddaş effektli” yastıqlardan fərqli olaraq istiliyi saxlamır, buna görə baş gecə boyu sərin qalır.
Minimalist yataq otağı dizaynı
Artıq əşyaları və dekoru kənarlaşdırın, yalnız əsas mebel saxlayın. Sakit və səliqəli mühit yuxudan əvvəl beyin fəaliyyətini azaldır.
Otaqda sərin temperatur
Yuxu üçün optimal temperatur 16–19 °C hesab olunur. Sərin hava melatonin ifrazını artırır və insanın daha tez yuxulamasına səbəb olur.
4-7-8 nəfəs texnikası
Bu rahatlama üsulu 4 saniyə nəfəs almağı, 7 saniyə nəfəsi saxlamağı və 8 saniyə yavaş-yavaş buraxmağı nəzərdə tutur. Bu texnika ürək döyüntüsünü ləngidir və sinir sisteminə rahatlama siqnalı ötürür.
Yetkin insanlara gündə 7–9 saat yatmaq tövsiyə olunur, baxmayaraq ki, konkret yuxu müddəti yaşdan, sağlamlıq vəziyyətindən və fərdi xüsusiyyətlərdən asılı olaraq dəyişə bilər. Bu yapon yanaşmalarını tətbiq etmək rahat yuxu mühiti yaradır, yuxuya getməyi sürətləndirir və dincəlmənin keyfiyyətini artırır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
