Yaralı hərbçilər üçün qan çatızmaşlığı iddiası əsassızdır -  RƏSMİ
14 sentyabr 2022 11:59 (UTC +04:00)

Yaralı hərbçilər üçün qan çatızmaşlığı iddiası əsassızdır - RƏSMİ

Sosial media istifadəçiləri arasında aktiv hərbi əməliyyatlar zamanı yaralanmış​ hərbi qulluqçular üçün təcili qan lazım olduğu ilə bağlı məlumatlarla rastlaşırıq. Bu kimi məlumatların əsassız olduğunu vurğulayırıq. Əsassız yayılan məlumatlar vətəndaşlar arasında həyəcan və təşvişə səbəb olur.

Bu barədə Lent.az-ın sorğusuna cavab olaraq TƏBİB-dən bildirilib.

Məlumata görə, bütün bunları nəzərə alaraq, sosial şəbəkə istifadəçilərini rəsmi sürətdə təsdiqini tapmamış məlumatları yaymamağa, belə bir halla rastlaşdıqları​ zaman yalnız rəsmi qurumların məlumatlarına istinad etməyə çağırırıq.​

Mərkəzi Qan Bankı vətəndaşlarımızın diqqətinə çatdırır ki, hazırda Mərkəzi Qan Bankında və bölmələrində qan ehtiyatları kifayət qədər var və müalicə məqsədilə qan ehtiyacı yarandığı zaman, həmin an​ tibb müəssisələri qanla​ təmin edilə bilər.

🔹 Mərkəzi Qan Bankı
📍 Feyzulla Qasımzadə 65
☎ 907
☎ +99412 440 65 86
☎ +99412 440 78 50
☎ +99412 441 66 52

 

# 1884
avatar

Fidan İlqar

Oxşar yazılar