Bakı Türk Liseyinə şagird qəbulunda nöqsanlar var? - RƏSMİ AÇIQLAMA

Lent.az-ın redaksiyasına Türkiyə Dəyanət Vəqfi Bakı Türk Liseyinə şagird qəbulu zamanı nöqsanlara yol verilməsi ilə bağlı məlumat daxil olub.

Məlumatda göstərilib ki, sənəd qəbulu zamanı 60 nəfərə yaxın 6-cı sinif şagirdi liseyə daxil ola bilmək üçün 5-ci sinif arayışı təqdim edib: “Oğlum bu il Türkiyə Dəyanət Vəqfi Bakı Türk Liseyinə sənəd verir. Bizə indi məlum olub ki 60 nəfərə yaxın uşaq 6-cı sinifdə oxuduğu halda saxta 5-ci sinif arayışı təqdim edib və bizim uşaqlarla imtahan verirlər. Onlara görə də bu il keçid balı artıb, qəbul çətinləşib. Əslində 6-cı siniflərin 5-cilərlə eyni proqramdan imtahan verməsi qanunsuzdur”.

Məsələ ilə bağlı Türkiyə Dəyanət Vəqfi Bakı Türk Liseyindən Lent.az bildirilib ki, narahatlığa heç bir əsas yoxdur.

Liseydən verilən məlumata görə, qeyd olunan fikirlər övladının imtahanı qazanmaq şansı olmayan valideynlerin lazımsız bəhanələridir: “İmtahanın nəticəsi bilindikdən sonra bu il 5-sinifdə təhsil alan və məktəbi qazanan şagirdlərin sənədi qəbul ediləcək. Kim saxta sənəd alıbsa, bunun heç bir mənası olmayacaq”.