Şimşək çaxacaq, dolu düşəcək - SABAHIN HAVASI

Aprelin 21-də Bakı və Abşeron yarımadasında gözlənilən hava proqnozu açıqlanıb.

Milli Hidrometeorologiya Xidmətindən Lent.az-a verilən məlumata görə, aprelin 21-də Bakıda və Abşeron yarımadasında hava şəraiti dəyişkən buludlu olacaq, əsasən yağmursuz keçəcək. Mülayim cənub-şərq küləyi əsəcək.

Havanın temperaturu:
- Gecə: 10-12° isti
- Gündüz: 16-21° isti
Atmosfer təzyiqi: 761 mm civə sütunu
Nisbi rütubət:
- Gecə: 70-75%
- Gündüz: 50-55%

Azərbaycanın rayonlarında hava proqnozu

Əksər rayonlarda hava əsasən yağmursuz keçəcək. Lakin gecə və axşam saatlarında bəzi şimal və qərb rayonlarında arabir yağıntılı olacağı, şimşək çaxacağı gözlənilir. Ayrı-ayrı yerlərdə qısamüddətli intensiv yağış və dolu düşəcəyi ehtimalı var. Gecə və səhər bəzi yerlərdə duman müşahidə olunacaq. Mülayim şərq küləyi əsəcək.

Havanın temperaturu:
- Gecə: 6-11° isti
- Gündüz: 20-25° isti
Dağlıq ərazilərdə:
- Gecə: 2° şaxtadan 3°-dək isti
- Gündüz: 8-13° isti