Birinin sizə həqiqəti deməsi üçün heç kimin bilmədiyi 4 hiylə

İnsanları səmimi danışmağa sövq edən 4 psixoloji üsul açıqlanıb.

Lent.az xəbər xarici mediaya istinadən verir ki, əgər qarşınızdakı insanın sizdən nəyi gizlətdiyini öyrənmək və ya qarşılıqlı faydalı ünsiyyət qurmaq istəyirsinizsə, bu məsləhətlərdən istifadə edin:

İnsanları səmimi danışmağa sövq edən 4 psixoloji üsul:

Dəqiq sual – həqiqətə açar

Əgər vəziyyət barədə ümumi məlumatınız varsa, elə sual verin ki, həmsöhbətiniz əzbər cavab verməsin, düşünməyə məcbur olsun.

Sualı elə konkret şəkildə formalaşdırın ki, sanki artıq nəyisə bilirsiniz. Bu, onda ifşa olunma qorxusu yaradacaq və səmimi olmağa təkan verəcək.

Psixoloqlar bildirirlər ki, insan yalanının üzə çıxacağını hiss etdikdə, instinktiv olaraq müdafiə məqsədilə həqiqəti deməyə üstünlük verir.

Qarşılıqlı paylaşım effekti

Kimdənsə səmimi cavab almaq üçün əvvəlcə özünüz şəxsi bir məlumat paylaşın. Öz həyatınızdan bir hadisə danışmaq etibar yaradır və psixoloji tarazlıq qurur.

Sosial mübadilə qanununa görə, insanlar qarşı tərəfin səmimiyyətinə eyni dərəcədə cavab verməyə meyillidirlər.

Empatiya vasitəsilə yaxınlaşma

Bir şeyi gizlədən insanla danışarkən dəstək atmosferi yaratmaq vacibdir. Ona danışmağa imkan verin və vurğulayın ki, bəzən sadəcə həqiqəti səsləndirmək belə insanı rahatlaşdırır.

Emosional intellekt üzrə ekspertlər bildirirlər: empatiya psixoloji müdafiəni zəiflədir və səmimiyyətə yol açır.

Zərif tərif – açıqlığın qapısı

İnsanın ən çox fəxr etdiyi xüsusiyyətlərini ağlı, uğurları, ailəsi və ya ev heyvanları kimi vurğulayın.

Lakin bunu səmimi və təmkinli şəkildə etmək lazımdır, əks halda əks təsir yarana bilər. Dəqiq və yerində tərif tanınma atmosferi yaradır və insan, yüksək qiymətə layiq olduğunu sübut etmək üçün könüllü şəkildə açılır.