“Donuz qripi”ndən qorunmağın yeni yolu – yapon salamı!
17 oktyabr 2009 19:00 (UTC +04:00)

“Donuz qripi”ndən qorunmağın yeni yolu – yapon salamı!

Professor Mustafa Kasapoğlu orijinal təkliflə çıxış edib

Avropa Şurası, Avropa Birliyi, o cümlədən dünyanın bir sıra ölkələrində “donuz qripi”nə yoluxma ehtimalını aradan qaldırmaq üçün insanlara digər insanlarla görüşərkən əl verməmək, bir-birini öpməmək tövsiyə olunub. Buna görə də hazırda dünyada insanların təhlükəsiz görüşmə üsulları ətrafında axtarışlar gedir.

Lent.az-ın Türkiyənin NTV telekanalına istinadən verdiyi məlumata görə, Samsun rayon səhiyyə idarəsinin rəhbəri, professor Mustafa Kasapoğlu orijinal təkliflə çıxış edib.

Mustafa Kasapoğlu təklif edib ki, insanlar AH1N1 virusuna yoluxmamaq üçün yaponlar kimi salamlaşsınlar.

Samsunda artıq bununla bağlı səhiyyə idarəsinin tövsiyəsi insanlara çatdırılıb. Türkiyənin Səhiyyə Nazirliyi də bu təklifi maraqla qarşılayıb.

Qeyd edək ki, yaponlar salamlaşarkən bir-birinə əl uzatmır, sadəcə, baş əyirlər.
# 316

Oxşar yazılar