Təhsil Nazirliyi məsləhətçi axtarır

Təhsil Sektorunun İnkişafı üzrə İkinci Layihə ilə bağlı Dünya Bankından maliyyə vəsaiti alınıb
Azərbaycan Hökuməti Təhsil Sektorunun İnkişafı üzrə İkinci Layihənin xərclərini ödəmək məqsədilə Dünya Bankından maliyyə vəsaiti alıb.
Lent.az-ın Təhsil Nazirliyinin rəsmi internet saytına istinadən verdiyi məlumata görə, həmin vəsaitin bir hissəsinin məsləhətçi xidmətlərinə sərf edilməsi nəzərdə tutulub.
Təhsil Nazirliyi məsləhətçi xidmətini yerinə yetirəcək şirkətlə bağlı elan da verib. Bu şirkət 2009-2014-cü illərdə 9 iş ayı ərzində əhali arasında ümumi sorğular keçirməlidir.
Təhsil sektoruna aid olan sorğular üzrə təcrübəyə malik olan namizədlərə böyük üstünlük verilir. Şirkətlər Dünya Bankının “Məsləhətçilərin Borcalanlar tərəfindən Seçimi və İşə Götürülməsi” təlimatlarının cari buraxılışında müəyyən edilən qaydalarla seçiləcək.