Korrupsiyaya Qarşı Mübarizə İdarəsi Səbail Bələdiyyəsində yoxlamalara başlayıb – EKSKLÜZİV
03 iyul 2009 16:30 (UTC +04:00)

Korrupsiyaya Qarşı Mübarizə İdarəsi Səbail Bələdiyyəsində yoxlamalara başlayıb – EKSKLÜZİV

Bakının Səbail Bələdiyyəsi müvəqqəti olaraq fəaliyyətini dayandırıb. Bu barədə Lent.az-a Səbail rayonunda yaşayan sakinlərdən biri məlumat verib. O, bələdiyyəyə sənədlə bağlı getdiyini, lakin rəhbərlikdən orada heç kimin olmadığını, yalnız 2-3 nəfər sıravi işçinin işdə olduğunu bildirib. Sakin bələdiyyənin fəaliyyətinin keçən həftədən dayandırıldığını, orada yoxlamalar aparıldığını deyib.

Hüquq-mühafizə orqanlarından isə Lent.az-a bildirilib ki, Səbail Bələdiyyəsində yoxlamalar Baş Prokuror yanında Korrupsiyaya Qarşı Mübarizə İdarəsi tərəfindən aparılır. Yoxlamalara Ədliyyə Nazirliyi yanında Bələdiyyələrlə İş üzrə Mərkəz tərəfindən edilən müraciətdən sonra başlanılıb.

Faktla bağlı cinayət işinin başlanacağı gözlənilir.

Baş Prokuror yanında Korrupsiyaya Qarşı Mübarizə İdarəsi tərəfindən yoxlama aparılması xəbəri Lent.az-a Səbail Bələdiyyəsi tərəfindən təsdiqlənib. Bələdiyyə sədri və müavinlərinin isə harada olduğu bilinmir.

Pərvin ABBASOV
# 571

Oxşar yazılar