“AZAL”ın “Arzuolunmaz sərnişinlər”in sayı 50 nəfərə çatdı

“Azərbaycan Hava Yolları” (“AZAL”) Qapalı Səhmdar Cəmiyyəti “Arzuolunmaz sərnişinlər” elan etdiyi şəxslərin sayı 50 nəfərə çatıb. Bu barədə Lent.az-a “AZAL”ı-n xidmət rəisi Məhərrəm Səfərli məlumat verib. Sonuncu dəfə siyahıya iki nəfərin adı daxil edilib. Bunlar Azərbaycan Respublikasının vətəndaşları Ağayev Orxan və Aslanov Azərdir. Hər iki şəxs “Arzuolunmaz sərnişinlər” siyahısına hava gəmisində davranış və təhlükəsizlik qaydalarını pozduğuna görə düşüb.

İndiyədək siyahıda 48 nəfərin adı var idi.

50 nəfərlik siyahıya 2009-cu ilin əvvəlindən indiyədək “AZAL”ın reyslərində uçuşların təhlükəsizliyinə təhlükə yaradan davranış göstərən şəxslərin adları salınıb.

Arzuolunmaz sərnişinlər müxtəlif - xuliqanlıq hərəkətlərinə yol verdiyinə, təhlükəsizlik kəmərindən imtina etdiyinə, mobil telefonla danışdığına, siqaret çəkdiyinə və digər bu kimi hallara yol verdiklərinə görə bu siyahıya salınıblar. Onların arasında Azərbaycanla yanaşı, Türkiyə, Rusiya, Ukrayna, İsrail, Böyük Britaniya, Hindistan və digər ölkələrin vətəndaşları var.

Xatırladaq ki, “AZAL”ın ötən dəfəki “Arzuolunmaz sərnişinlər” siyahısında 71 nəfərin adı var idi.

Pərvin ABBASOV