“Bakıelektrikşəbəkə” xəbərdarlıq etdi

Qurumun mətbuat xidmətindən Lent.az-a verilən məlumata görə, bu məqsədlə yeni yarımstansiyaların tikintisi, mövcud yarımstansiyalarda əsaslı təmir, yenidənqurma işləri, elektrik avadanlıqlarının texniki vəziyyətinin yoxlanılması və aşkar edilmiş nasazlıqların aradan qaldırılması, elektrik veriliş xətlərinin təmiri və sairə kimi tədbirlər yerinə yetirilməkdədir.
Təəssüf ki, bəzi abonentlər istifadə etdikləri elektrik enerjisi haqlarını vaxtlı vaxtında ödəmirlər.

“Bakıelektrikşəbəkə” ASC bildirir ki, fəaliyyəti dövründə debitor borcu yaranmış abonentlərin elektrik enerjisi təchizatı 15 oktyabr 2012-ci il tarixi saat 11:00-dan etibarən müvafiq qanunvericiliyə uyğun qeyd-şərtsiz və fərdi qaydada dayandırılacaq.

Elektrik enerjisi təchizatı dayandırılan abonentlərin borclarını ödədikdən sonra təkrar şəbəkəyə qoşulmaları bir neçə gün ərzində mümkün olacaq ki, bu da abonentlərə müəyyən problemlər yaradacaq. Abonentlərin elektrik enerjisi təchizatı ilə bağlı hər hansı problem yaşamamaları üçün istifadə etdikləri elektrik enerjisi haqlarını dərhal ödəmələri xahiş olunur.

Borcların ödənilməsi bütün poçt şöbələrində, banklarda, ASC-nin ödəmə məntəqələrində, həmçinin “www.bes.az” vasitəsilə “onlayn” olaraq həyata keçirilir.