Qəbələdə «Fəal vətəndaşlıq və gənclərin QHT-lərdə iştirakı” layihəsi gerçəkləşdirilir

Lent.az-ın AzərTAc –a istinadən məlumatına görə, regionlarda fəal vətəndaşlığın artırılması, gənclər arasında QHT institutunun yaranması və inkişafı prosesinə yardım etmək, regionlarda vətəndaş cəmiyyətinin inkişafına töhfə verilməsi, gənclərlə bağlı yeni qeyri-hökumət təşkilatlarının yaradılmasının təşviqi, bu sahədəki mövcud QHT-lərin gücləndirilməsi, region gənclərinin liderlik keyfiyyətlərinin artırılması məqsədilə həyata keçirilən layihə çərçivəsində Qəbələdə seminarlar keçirilir.

Qəbələ Regional QHT-lərin Resurs və Təlim Mərkəzində 25 fəal gəncin iştirakı ilə keçirilən seminarlarda yerli gənclər təşkilatlarının nümayəndələrinə QHT institutu və idarəçiliyi, beynəlxalq proqramlar mövzusunda, eləcə də gənclərin liderlik keyfiyyətlərinə dair, gənclərlə bağlı qeyri-hökumət təşkilatları ilə icma gəncləri arasında əlaqələrin qurulması, layihə yazılışı, maliyyə məsələləri mövzusunda təlimlər gerçəkləşdirilir.
Layihə çərçivəsində QHT və layihə idarəçiliyi üzrə gənclərdən ibarət təşəbbüs qrupu yaradılacaqdır. Bu qrup gələcəkdə aidiyyəti fəaliyyətlə məşğul olacaq və təlimlər keçəcəkdir. Gənclərə layihə çərçivəsində mövzu üzrə hazırlanmış buklet və broşürlər paylanılıb

Layihə çərçivəsində Mingəçevir və Ağcabədidə də seminarlar həyata keçiriləcəyi nəzərdə tutulub.