Nardaranda etiraz aksiyası keçirilib

Bu barədə APA-ya Nardaran Ağsaqqallar Şurasının sədri Hacı Natiq Kərimov məlumat verib. O bildirib ki, aksiyada AXCP, Müsavat və Azərbaycan İslam partiyalarının nümayəndələri də qatılıb. Aksiyada qəsəbədəki işsizlik, qaz, su, elektrik enerjisi probleminin həlli tələb edilib. Həmçinin, qəsəbədəki sosial-iqtisadi problemlərin həlli istiqamətində işlər görülməsi ilə bağlı Kənd Təsərrüfatı və İqtisadi İnkişaf nazirliklərinə məktub göndəriləcəyi də vurğulanıb.

Aksiyada siyasi şüarlar da səsləndirilib.

Aksiyanın sonunda qətnamə qəbul olunub.