Regional Təhlükəsizlik İnstitutu adlı QHT yaranıb
14 may 2009 15:45 (UTC +04:00)

Regional Təhlükəsizlik İnstitutu adlı QHT yaranıb

Azərbaycan Regional Təhlükəsizlik Bürosunun bu gün keçirilən toplantısında təşkilatın institut olaraq fəaliyyətinin bərpa olunduğu elan edilib. Bu barədə Lent.az-a qurumun mətbuat xidmətindən məlumat verilib. İnstitutun direktoru Eldəniz Elgün deyib ki, rəhbərlik etdiyi QHT regionda bas verən proseslərin təhlili ilə məşğul olmaqla yanaşı, praktik proqramlarda həyata keçirəcək. Onun sözlərinə görə, institutda regionlar üzrə 14 masa fəaliyyət göstərəcək və bu masalara təşkilata heç bir bağlılığı olmayan QHT rəhbərləri və tanınmış ictimai xadimlər, müstəqil ekspertlər rəhbərlik edəcək. İnstitut ilk olaraq hər həftə bütün QHT-lərə, mətbu orqanlara və aktiv ictimai təşkilatlara həftəlik analizlər təqdim edəcək, tanınmış ictimai-siyasi xadimlərin debatlarını təşkil edəcək.

Xatırladaq ki, Regional Təhlükəsizlik Bürosu adlı QHT 2005-ci ildə təsis edilib. Təşkilata “Space” teleradio sirkətinin Xəbərlər Departamentinin sabiq direktoru Eldəniz Elgün rəhbərlik edib. Təşkilat yaranandan az müddət sonra fəaliyyətini dayandırmışdı.

Pərvin ABBASOV
# 435

Oxşar yazılar