Xəstənin böyrəyindən  200-dən çox daş   çıxarıldı
22 may 2022 15:20 (UTC +04:00)

Xəstənin böyrəyindən 200-dən çox daş çıxarıldı

Altı aylıq işgəncədən sonra, Hindistanın Heydərabad şəhərindən olan 56 yaşlı kişinin böyrəyindən həkimlər 206 daşı çıxardıqdan sonra bir az özünə gəlib. 

Lent.az-ın xarici mediaya istinadla məlumatına görə, qeyd olunur ki, xəstə ona yerli həkimin yazdığı dərmanları qəbul edib və bu, müvəqqəti rahatlıq gətirib.

Ancaq ağrı gündəlik həyatına mənfi təsir etməkdə davam edib və o, vəzifəsini səmərəli şəkildə yerinə yetirə bilməyib.

Həkim Pula Navin Kumarın sözlərinə görə, xəstə ilə məsləhətləşmələr aparılıb və 1 saat davam edən və bütün daşların götürüldüyü əməliyyata hazırlanıb. O, əlavə edib ki, xəstə əməliyyatdan sonra tez bərpa olunub və ikinci gün evə buraxılıb.

Hindistanlı mütəxəssislər əlavə ediblər ki, yayda yüksək temperatur insanlar arasında susuzlaşma hallarını artırır və bu da böyrək daşlarının əmələ gəlməsinə səbəb olur.

İnsanlara temperaturun çox yüksək olduğu vaxtlarda daha çox su və mümkünsə kokos suyu içməyi tövsiyə edirlər.

# 1524
avatar

Oxşar yazılar