Səhər, yoxsa axşam: Arıqlamaq və ürək sağlamlığı üçün qara şokoladı nə vaxt yemək daha faydalıdır?

Qara şokoladın günün müəyyən vaxtlarında qəbul edilməsi çəki itkisinə və ürək sağlamlığının yaxşılaşmasına kömək edə bilər.

Lent.az-ın xarici mediaya istinadla xəbərinə görə, səhər və ya axşam saatlarında istehlak edilməsinin iştah, maddələr mübadiləsi, qan şəkəri səviyyəsi və ürək-damar sistemi üzərində fərqli təsirləri var.

Əhval-ruhiyyənin yaxşılaşdırılması üçün nə vaxt yemək lazımdır?

Əgər günorta saatlarında qəlyanaltı zamanı qara şokolad yeyilərsə, onun tərkibindəki teobromin və təbii stimulyatorlar əhval-ruhiyyəni yaxşılaşdıra bilər və günorta depressiyasını yüngülləşdirməyə kömək edər – həm də qan şəkərinin qəfil düşməsi baş vermədən.

Qara şokolad əhvalı yaxşılaşdırmaqla yanaşı, bağırsaq mikrobiomuna da müsbət təsir edir (yəni həzm sistemindəki faydalı bakteriyaların balansını qoruyur).

Aparılan bir araşdırma göstərib ki, tərkibində 85% kakao olan qara şokolad qəbul edən insanlar 75 faiz kakao olan şokolad yeyənlərlə müqayisədə daha yaxşı əhval-ruhiyyəyə malik olublar. Bu təsir, faydalı bağırsaq bakteriyalarının daha yüksək səviyyədə olması ilə əlaqələndirilir.

Arıqlamaq üçün nə vaxt yemək lazımdır?

Arıqlamaq məqsədilə qara şokoladın ən uyğun qəbul vaxtı səhərdir. Araşdırmada səhərlər şokolad yeyən iştirakçılar:

Çəki almamışdılar

Şirinə qarşı meylin azaldığını bildiriblər

İştahlarının azaldığını qeyd ediblər

Aclıq zamanı qan şəkəri səviyyəsinin aşağı olduğunu müşahidə ediblər

Bel nahiyəsinin incəldiyini bildiriblər

Qara şokoladın iltihab əleyhinə və yağ əleyhinə xüsusiyyətləri bədənin enerji xərclərini artıraraq arıqlamağa kömək edə bilər. Tərkibindəki antioksidantlar və minerallar (məsələn, mis və manqan) qan dövranını, maddələr mübadiləsini və enerji istehsalını artıraraq çəkiyə nəzarəti asanlaşdırır.

Ürək sağlamlığı üçün nə vaxt yemək daha yaxşıdır?

Qara şokoladın günün əvvəlində, yəni səhərlər yeyilməsi ürək sağlamlığı üçün ən uyğun vaxt sayılır. Bu zaman şokolad:

Qan şəkərinin səviyyəsini tənzimləyir

Gün ərzində şəkərə qarşı istəyi azaldır

Araşdırmalara görə, qara şokolad ürək xəstəlikləri, infarkt və insult riskini 37% azalda bilər.

Qara şokoladdakı flavonollar ürək sağlamlığı üçün çoxsaylı faydalar təqdim edir:

Qan damarlarının genişlənməsini və rahatlamasını təmin edir

Qan təzyiqini aşağı salır

İltihabı azaldır

Qara şokoladın qida dəyəri (30 qram, 70–85 faiz kakao)

Kalori – 170 kkal

Yağ – 12,1 qram

Zülal – 2,21 qram

Lif – 3,09 qram

Karbohidrat – 13 qram

Şəkər – 6,8 qram

Mis – 0,5 milli qram

Dəmir – 3,37 milli qram

Maqnezium – 64,6 milli qram

Sink – 0,93 milli qram

Qara şokoladın istifadəsi ilə bağlı tövsiyələr

Qara şokoladdan maksimum fayda əldə etmək üçün aşağıdakı məsləhətlərə əməl edin:

Əlavə şəkərdən uzaq durun az kakao tərkibli və ya karamel kimi dadlandırıcılar əlavə olunmuş şokolad məhsullarında çox vaxt zərərli şəkər olur.

Kofeinə diqqət yetirin qara şokoladın tərkibində təbii şəkildə stimullaşdırıcı maddələr mövcuddur, buna görə həddindən artıq qəbul etməyin. Kaloriyə nəzarət edin qara şokolad kalori baxımından zəngindir, buna görə miqdarını məhdudlaşdırın.