Səhər oyananda yastığınıza və yorğanınıza DİQQƏTLƏ baxın: Xərçəng əlaməti ola bilər

Həkimlər xərçəngin ilkin əlamətlərini aşkar ediblər.

Lent.az xarici mətbuata istinadən xəbər verir ki, araşdırmalara görə, xərçəngin ilk əlamətini səhərlər yastıq və ya yorğan üzərində müşahidə etmək olar.

Yataq dəstləri və yastıqlarda iz buraxan həddindən artıq gecə tərləmələri sümük xərçənginin mümkün əlaməti ola bilər. Çünki xərçəng orqanizmin immun sistemini aktivləşdirir, bədənin temperaturun tənzimlənməsinə təsir edən iltihabi maddələrin ifraz olunmasına və həddindən artıq tərləməyə səbəb olur.

Bununla belə, qeyd etmək lazımdır ki, yüksək hərarət və tərləmə həm xərçəng, həm də onun müalicəsi ilə əlaqəli ola biləcək infeksiya, həmçinin hormon səviyyələrindəki dəyişikliklər kimi digər səbəblərdən də ola bilər.

Həddindən artıq tərləmənin səbəbini müəyyən etmək çətindir, çünki bu, müxtəlif sağlamlıq vəziyyətlərinin nəticəsi ola bilər. Buna görə də əlavə simptomlara diqqət yetirmək və dəqiq diaqnoz üçün həkimə müraciət etmək vacibdir.

Gecə tərləmələri tez-tez sümük xərçəngi ilə əlaqəli olsa da, digər xərçəng formalarının inkişaf etmiş mərhələlərinin əlaməti ola bilər. Bundan əlavə, davamlı sümük ağrısı nəzərə alınmalı başqa bir vacib simptomdur. Fasiləvi ağrıdan başlayaraq, daimi və sıx narahatlığa, xüsusən də gecə və ya hərəkət zamanı daha da pisləşə bilər. Sümük bölgəsində şişkinlik, qızartı və iltihabın meydana gəlməsi də mütəxəssislərin diqqətli müdaxiləsini tələb edən ciddi sağlamlıq problemlərini göstərə bilər.