Sağlamlığınıza zərər verə biləcək SAÇ MƏHSULLARI
30 noyabr 2023 14:53 (UTC +04:00)

Sağlamlığınıza zərər verə biləcək SAÇ MƏHSULLARI

Asanlıqla buxarlanan saç məhsulları potensial olaraq sağlamlıq problemlərinə səbəb ola bilər. Purdue Universitetinin (ABŞ) alimləri saçları hamarlaşdıran siloksanların və digər uçucu üzvi birləşmələrin (VOC) emissiyalarını öyrəndikdən sonra bu qənaətə gəliblər.

Lent.az xarici KİV-ə istinadən xəbər verir ki, alimlər "Saç baxım məhsullarının istifadəsi qapalı havanın tərkibini tez bir zamanda dəyişdirə bilər. Düzləşdirmə və qıvrım kimi ümumi istilik üslubu üsulları havada uçucu üzvi birləşmələrin səviyyəsini daha da artırır" deyə qeyd ediblər.

Təcrübə üçün komanda kiçik, havalandırılan bir ev tikib, onun içərisində iştirakçılar adi saç məhsulları və istilik üslubu alətlərindən istifadə ediblər. Tədqiqatçılar saçın temperatura məruz qalmasından əvvəl, zamanı və sonra real vaxt rejimində VOC emissiyalarını ölçüblər.

Nəticədə alimlər havanın kimyəvi tərkibində dəyişikliklərin sürətlə baş verdiyini aşkar ediblər. Emissiyaların miqdarına məhsulun növü, saç uzunluğu və üslubu alətinin növü və temperaturu təsir etdiyini məlum olub. Daha uzun saçlar və yüksək temperatur daha çox VOC-nin buraxılmasına kömək edib.

Təcrübə göstərib ki, bir insan gündə 20 mq-a qədər zərərli maddələri tənəffüs edə bilər. Alimlər saç düzümü məhsullarının istifadəçilərinin hansı mənfi nəticələrlə qarşılaşa biləcəyini tezliklə öyrənməyi planlaşdırırlar.

# 1086
avatar

Fidan İlqar

Oxşar yazılar