Həkimlər hansı su ilə yuyunmağın daha faydalı olduğunu AÇIQLADI

Məlum olub ki, suyun temperaturu üz dərisinin vəziyyətinə ciddi təsir göstərə bilər. Hər gün yuyunmaq dəriyə qulluqda vacib addımlardan biridir və onun vəziyyətinə, həmçinin görünüşünə təsir edir. Lakin sual yaranır: bunun üçün hansı su daha faydalıdır – isti, yoxsa soyuq?

Lent.az hansı suyun yuyunmaq üçün daha yaxşı olduğunu izah edir.

İsti suyun təsiri

İsti su məsamələrin genişlənməsinə səbəb olur ki, bu da dərini daha dərin təmizləməyə kömək edir. Lakin çox istifadə olunduqda bu bir sıra mənfi nəticələrə gətirib çıxara bilər. Quruluq və qıcıqlanma: Yüksək temperatur dərinin qoruyucu yağlarını yuyub aparır, bu da qabıqlanma və həssaslığın artmasına səbəb ola bilər. Damarların genişlənməsi: Tez-tez isti su ilə yuyunmaq dəridə qızartı və damar şəbəkələrinin yaranmasına səbəb ola bilər.

Sürətli qocalma: İsti su dərinin elastikliyini pozur, bu da qırışların yaranmasına gətirib çıxarır.

Soyuq suyun üstünlükləri

Soyuq su dərinin sağlamlığını qorumağa kömək edən bir sıra faydalı xüsusiyyətlərə malikdir.

Məsamələrin daralması: Bu, çirklənmənin və qara nöqtələrin yaranmasının qarşısını alır.

Qan dövranının yaxşılaşması: Soyuq su dəridə təbii qızartı yaradır və ona təravət verir.

Şişlərin azalması: Soyuq, şişkinliklərin aradan qaldırılmasına kömək edir və dərini tonuslandırır.

Yuyunmaq üçün optimal temperatur

Dermatoloqlar nə çox isti, nə də çox soyuq olmayan ilıq sudan istifadə etməyi məsləhət görürlər. Yuyunmaq üçün ideal su temperaturu 25–30°C-dir. Bu, dərini zərər vermədən və qurutmadan yumşaq şəkildə təmizləməyə imkan verir.

Üz necə düzgün yuyulmalıdır?
İlıq su ilə başlayın – məsamələri açmaq və dərini təmizləmək üçün.

Yumşaq təmizləyici vasitələrdən istifadə edin – dərinin qurumasının qarşısını almaq üçün.

Soyuq su ilə bitirin – məsamələri daraltmaq və dərini tonuslandırmaq üçün.

Üzünüzü dəsmalla sürtməyin, onun yerinə yumşaq salfetlə yüngülcə qurulayın.