Görmə qabiliyyətini itirməmək üçün bu qaydalara əməl edin

Görmə ilə bağlı şikayətlər olmadıqda belə, ildə ən azı bir dəfə, yaşlı insanlar isə ildə iki dəfə oftalmoloqa müraciət etməlidir.

Lent.az xəbər verir ki, bu barədə “Gazeta.Ru”ya Rospotrebnadzor Mərkəzi Elmi-Tədqiqat Epidemiologiya İnstitutunun oftalmoloqu Sergey Naçinkin məlumat verib.

“Statistika göstərir ki, 40 yaşdan yuxarı insanların əsas problemlərindən biri qlaukomadır. Tez-tez asemptomatik olaraq başlayır və davam edir, lakin uzun müddətli nəzarətsiz irəliləyişlə tam korluğa qədər görmə qabiliyyətinin itirilməsinə səbəb ola bilir. Yetkinlər heç bir görmə şikayətləri olmasa belə, ildə ən azı bir dəfə oftalmoloq tərəfindən müayinə olunmalıdır”, - Naçinkin qeyd edib.

Onun sözlərinə görə, gözlərdə bulanıqlıq, kompüterlə işlədikdən sonra quruluq, gözlərin qızarması tez bir zamanda oftalmoloqa müraciət etmək üçün səbəbdir.

“Diqqət tələb edən digər qrup isə 60 yaşdan yuxarı insanlardır. Burada katarakta xəstəliyi ön pillələrdə gəlir. Katarakta görmənin tədricən azalmasına və ikincili qlaukoma inkişafına səbəb olur. Bu fəsadları vaxtında fərq etmək üçün ildə ən azı iki dəfə oftalmoloqa baş çəkmək lazımdır”, deyə həkim əlavə edib.