Şokoladlı tort: asan və tez RESEPT

Bu şokoladlı tort istənilən bayrama və ya qəfil qonaqlığa mükəmməl uyğun gəlir. Onun hazırlanması çox sadədir, amma nəticə çox zövqlü olacaq.

Lent.az bu resepti təqdim edir:

Lazım olan ərzaqlar:

50 qram kakao tozu

6 yemək qaşığı qaynar su

100 qram marqarin və ya kərə yağı

275 qram pudra şəkəri

3 ədəd böyük yumurta

125 millilitr süd

175 qram un

1 çay qaşığı qabartma tozu

Hazırlanma qaydası:

Kakao tozunu və qaynar suyu bir qabda qarışdırın – kütlə homogen olmalıdır. Qarışığa yağ və ya marqarin əlavə edin, kremşəkilli bir konsistensiya əldə edin. Sonra bütün digər ərzaqları əlavə edin: şəkər, yumurta, süd, un və qabartma tozu.

Qarışığı yaxşıca çalın, hazır xəfif xəmir alın. Xəmiri yağlanmış və ya perqament salınmış soba formasına tökün. Təxminən 30 dəqiqə 180°C-də bişirin, tort formanın kənarlarından asanlıqla ayrılmağa başlayanda hazır sayılır.

Son addımlar

Tortu sobadan çıxardıqdan sonra 10 dəqiqə formanın içində soyumağa qoyun. Daha sonra perqamenti çıxarın və tam soyuması üçün kənara qoyun. Tortun üzərinə ərik mürəbbəsi sürtün – bu, həm dad, həm də sonrakı bəzək üçün yaxşı əsasdır.

Qlazur (şokolad örtüyü) üçün

Kiçik qazanı ocağa qoyun, içinə krema (şirin qaymaq) əlavə edin və isidin, qaynatmayın. İsinən krema içərisinə doğranmış südlü şokolad əlavə edin və tam əriməyincə qarışdırın. Gözləyin ki, qlazur bir az soyusun, sonra onu tortun üzərinə tökün.

Nuş olsun!