Hər gün balıq yemək olarm? - həkimlərdən CAVAB

Ümumilikdə, balıq tam dəyərli zülalın əla mənbəyidir. Bu, o deməkdir ki, onun tərkibində bədən tərəfindən istehsal olunmayan bütün əvəzolunmaz amin turşuları mövcuddur.

Lent.az bununla bağlı məlumatları sizə təqdim edir:

Balıq – universal zülal mənbəyidir

Amma dəniz məhsullarını çox sevən insanlar üçün belə bir sual yarana bilər: hər gün balıq yemək nə dərəcədə faydalıdır?

Qidalanma məsləhətçisi Rozmari Traut və tibbi məsləhətçi Rac Dasqupta Delish-ə müsahibələrində balığın balanslı qidalanmadakı rolu haqqında ətraflı danışıblar.

Balığın sağlamlığa faydası
"Balığın müntəzəm istehlakı ürək xəstəlikləri, insult və hətta psixi sağlamlıqla bağlı bəzi problemlərin azalması ilə əlaqələndirilir," – deyə Dasqupta bildirib. Bu həm də zülal almağın yaxşı bir yoludur. “Ümumilikdə, balıq bədən tərəfindən istehsal olunmayan bütün əvəzolunmaz amin turşularını ehtiva edən tam dəyərli zülalın əla mənbəyidir,” – deyə Traut əlavə edib.

Balıqdan əlavə nələr alınır?
Mütəxəssis əlavə edir ki, somon və tuna kimi balıqlar, orqanizmin özü sintez edə bilmədiyi əvəzolunmaz yağ turşuları ilə zəngindir. Bu yağ turşuları ürək-damar sağlamlığını dəstəkləyir. Balıq həmçinin xolin və yodla da zəngindir.

Nə qədər balıq yemək faydalıdır?
"Çox insan üçün hər gün balıq yemək problem deyil, lakin müxtəliflik balanslı qidalanmanı qorumağa və çirkləndirici maddələrin uzunmüddətli təsirlərini azaltmağa kömək edir. O qeyd edib ki, əsas narahatlıq səbəbi – civə (cıva) riskidir. “Bu, əksər böyüklər üçün ciddi narahatlıq doğurmur. Bədənə yığılan metilcivə xüsusilə mərkəzi sinir sistemi üçün toksik olduğundan narahatlıq doğurur".

Metilcivə inkişaf edən beyin üçün zərərlidir. Bu səbəbdən hamilə və süd verən qadınlara qılınc balığı, tuna və köpək balığı kimi balıqlardan uzaq durmaq tövsiyə olunur.

Civə miqdarı az olan balıqların tam siyahısı:
Somon (qızılbalıq)

Krevetka

Qara dəniz bası

Treska

Dəniz tarakları

Tilapiya

Xərçəng

Sardi̇na

Vəhşi, yoxsa fermada yetişdirilən balıq daha yaxşıdır?
Bu mövzu ətrafında çoxlu müzakirələr var, lakin Traut izah edir ki, hər ikisi də yaxşı zülal mənbəyidir. Fərqli qidalanma səbəbindən vəhşi və fermada yetişdirilən balıqların dadı və qida dəyərləri fərqli ola bilər.