Mehriban Zəki dəhşətli qəzadan DANIŞDI: "Oqtayın səsi belə çıxmadı" - FOTO

Xalq artisti Mehriban Zəki Oqtay Əliyevin keçirdiyi qəza haqqında paylaşım edib.

Lent.az xəbər verir ki, mərhum prodüser Oqtay Əliyev ilə eyni avtomobildə olan aktrisa bunları yazıb:

"İlk tanıdığım gündən hər zaman bütün problemlərin həllini tapar, xəstələnəndə belə "problem yoxdur, keçib gedəcək" deyərdi. İnsanları yalnız gülərüz görmək istər, hər zaman hamını süfrə başına yığar, həmin süfrəni şəxsən özü açmaqdan zövq alar, bütün arzularında İrəvana getmək istərdi. Hər zaman hay-küylü, coşub daşan Oqtayın həmin an səsi belə çıxmadı. Bu dəfə Dilarə ilə mən qışqırırdıq: Oqtay... Oqtay... Oqtay...

O isə susurdu. O susurdu, maşın çevrilirdi. Bu, sadəcə qəzavü-qədər idi. Mən sağalacağam. Qolum da, qabırğalarım da bitişəcək, üzüm də bərpa olacaq. Dilarə də inşallah, özünü toparlayar. O, çox güclü qadındır. Amma Oqtay əbədi susacaq. Allah sizə rəhmət eləsin, Oqtay. Martın 22-si belə yazıldı bizim üçün".

Qeyd edək ki, Saray yolunda baş verən qəza nəticəsində xəsarət alan Xalq artisti Mehriban Zəki hazırda xəstəxanada müalicə olunur.