Eldar Mansurov: “Özəl telekanallar mahnı janrını bərbad hala salıb”

Tanınmış bəstəkardan sərt ittihamlar

“Özəl telekanalların yaranması mahnı janrını bərbad hala salıb. Mədəniyyət və Turizm Nazirliyinə və Bəstəkarlar İttifaqına bu vəziyyəti normallaşdırmaq üçün müəyyən səlahiyyətlər verilməlidir”. Lent.az-a Bəstəkarlar İttifaqının mətbuat xidmətindən verilən məlumata görə, bu fikri Azərbaycan Bəstəkarlar İttifaqı İdarə Heyətinin növbəti iclasında ittifaqin katibi, əməkdar incəsənət xadimi Eldar Mansurov deyib: “Baxmayaraq ki, mahnı janrı digərlərindən çox irəli gedib, lakin ən ağır vəziyyət də elə mahnı janrındadır. Biz bir dəfə bununla bağlı yığıncaq keçirdik, özəl telekanallara müraciətlər göndərdik. Nazirliklə birlikdə bədii şura yaratmalıyıq. Lakin bu gün bədii şuraların əleyhinə olanlar da çoxdur”.

Eldar Mansurov telekanalların musiqi redaksiyalarına musiqidən xəbəri olmayanların rəhbərlik etdiyini iddia edib.

Lalə Yusifqızı