Elçin Əfəndiyev: “İlyas Əfəndiyev ideologiyaya yox, ədəbiyyata xidmət edirdi”
27 may 2009 12:15 (UTC +04:00)

Elçin Əfəndiyev: “İlyas Əfəndiyev ideologiyaya yox, ədəbiyyata xidmət edirdi”

“Əsərləri ən çox nəşr olunan yazıçılardan biri, bəlkə də birincisi İlyas Əfəndiyevdir”. Lent.az-ın məlumatına görə bu açıqlamanı xalq yazıçısı Elçin Əfəndiyev atasının 95 illik yubiley tədbirində jurnalistlərə açıqlamasında deyib: “İlyas Əfəndiyev əsərlərinin demək olar ki, 95-97 faizini sovet dövründə yazıb. 96-cı ildə rəhmətə gedib. Sovet vaxtı ədəbiyyat hakim ideologiyanın tərkib hissəsi idi. Təsadüfi deyil ki, hakim ideologiya yox olandan sonra onun təsiri altında yazan bir çox böyük yazıçılar da yox olub getdi. Amma baxın, bu gün Azərbaycanda əsərləri ən tez-tez tamaşaya qoyulan dramaturqlardan biri də İlyas Əfəndiyevdir. Təsəvvür edin, sovet vaxtı yazılan bu əsərlər indi müstəqil Azərbaycan oxucusuna təqdim olunur. Bügünkü Azərbaycan oxucusu onu sevir, sevməsəydi, onun tamaşası səhnələşdirilməzdi. İlyas Əfəndiyev ideologiyaya yox, ədəbiyyata xidmət edirdi”.

Lalə Yusifqızı
# 1167

Oxşar yazılar