Xumar Qədimovanın adından saxta profil yaratdılar

Müğənni Xumar Qədimovanın adından İnstaqram foto-paylaşım şəbəkəsində saxta profil yaradılıb. Lent.az-ın məlumatına görə, sənətçi açıqlamasında deyib ki, o, heç bir sosial mediadan istifadə etmir: “Bir çoxları mənə və bacıma zəng edib “İnstaqramda sən özünsənmi” sualını verirdi. Son günlər isə bu suallar durmadan artır. Nəhayət, qərara gəldim ki, mətbuata açıqlama verim. Mən heç bir sosial şəbəkənin istifadəçisi deyiləm. Bir neçə il əvvəl eyni problemlə “Facebook”da da rastlaşmışdım. Bir daha demək istəyirəm ki, mən “Facebook” və İnstaqramda yoxam. O kimdirsə, mənim adımdan istifadə edir. Mənə həmin adamı nə cür cəzalandıracağım haqda sual verirlər. Heç kimi cəzalandırmaq fikrim yoxdur, əksinə, bu cür hallara kənardan baxıb gülürəm. Bir sözlə qaşınmağım tutur (gülür)".