Nadir Qafarzadə Aygünü məhkəməyə verir?

Ötən gün xalq artisti Aygün Kazımovanın müğənni Nadir Qafarzadənin ünvanına söylədiyi ittihamlar cavabsız qalmayıb. “Əjdaha” ləqəbi ilə tanınan müğənni N. Qafarzadə həmkarı A. Kazımovanın cavabını elə Lent.az vasitəsi ilə verdi: “Ötən gün mən sizə müsahibə verdim. Müsahibəm zaman heç bir sənətçinin adını vurğulamadım. Sadəcə söylədim ki, fəxri ad verilən zaman sənətçinin yaradıcılığından əlavə, ədəb-ərkanına da diqqət yetirilməlidir. Daha sonra söylədim ki, bundan sonra hər hansı bir sənətçinin fəxri adının əlindən alınması gecdir. Ancaq mənim bu açıqlamalarımdan sonra A.Kazımova sosial şəbəkədəki səhifəsində barəmdə ittihamlar, hətta təhqirlər qeyd etdi. Onun bu sözlərinə görə məhkəməyə müraciət edə bilərəm. Amma qadın xeylağı olduğu üçün bunu ona keçirəm. Mən yalnız sənətimə və ailəmə vaxt ayırıram. Qalmaqal etməyə vaxtım belə yoxdur. A. Kazımovaya isə sənətində uğurlar arzu edirəm”.