Mətanət əməliyyat olunacaq: "Vücudum əsir"

Müğənni Mətanət Əsədova plastik əməliyyat keçirəcək. Lent.az-ın məlumatına görə, bu barədə ifaçı “Hər şey daxil” verilişində danışıb. O, bildirib ki, bu günə qədər bədənin heç bir yerində əməliyyat keçirməyib: “Bu günə qədər barəmdə o qədər böhtanlar danışıblar. Amma açığını deyim ki, mən heç yerimdə əməliyyat etdirməmişəm. Barəmdə danışırlar ki, “ay orası elədi, burası belədir”. Allahım şahiddir ki, mən heç əməliyyat etdirməmişəm. Amma bu yaxınlarda dəyişiləcəm. Tam başqa bir Mətanət olacam. Artıq həkimə müraciət eləmişəm. Danışıqlar olub. Bu fikir məndə çoxdan var idi. Amma narkozdan qorxurdum. Onu da deyim ki, həkim görəndə vücudum əsir. İndi qərarım qətidir. Fikrimi cəm etmişəm, yaxınlarda əməliyyata girəcəm. Oradan çıxanda qarşınızda bir başqa Mətanət görəcəksiniz”.