Aysun İsmayılova: "Mənim də o adda atam yoxdur"
24 sentyabr 2022 16:04 (UTC +04:00)

Aysun İsmayılova: "Mənim də o adda atam yoxdur"

Müğənni Aysun İsmayılova ilk dəfə atası barədə açıqlamaları ilə diqqət çəkib.

Lent.az xəbər verir ki, o, anası Rəqsanə İsmayılovanın "YouTube"da yayımlanan “Göz önündə” verilişində bəzi məsələlər barədə danışıb. 

Rəqsanənin "Atanı heç axtarmısanmı? Onu tanımaq üçün addım atmısan?" sualına Aysun belə cavab verib:

"Axtarmışam, uşaq olanda. Mən ondan atalıq görməmişəm, yəni, yanımdan keçsə, tanımaram. Təbii ki, onu tanımaq üçün addım atdım. Uşaq idim, 12-14 yaşım olardı. Tam yadımda deyil, yalan deyərəm. Nənəmdən xahiş etdim ki, atamı görmək istəyirəm. Çünki mənə hər kəs deyir ki, sən Yaşara-atana oxşayırsan. Ona görə mənə maraqlı idi. Getdim, axtardım, Goranboya getdik. Heç özü qarşıma çıxmadı, bir kəlmə dedi ki, mənim o adda qızım yoxdur. O, o sözü deyibsə, deməli, mənim də o adda atam yoxdur. Əmim çıxdı qarşıma, dedi ki, atan səni görmək istəmir. Məni tapmaq o qədər də çətin deyil. İstəyən ata özü bu illər ərzində axtarıb tapardı. Mən ondan nə var istəmişəm, nə dövlət istəmişəm, heç nə istəməmişəm”.

Qeyd edək ki, Rəqsanə İsmayılovanın Aysundan başqa 3 övladı da var. 

# 13431
avatar

Nigar Namiq

Oxşar yazılar