Türk mətbuatı Ebru-Rza məhəbbətini Azərbaycan mediasından izləyir

Bu xəbərlərin sayəsində türklər azəri türkcəsi ilə tanış olublar
Türk mətbuatı tanınmış sənətçi Ebru Gündəş ilə Azərbaycan əsilli iş adamı Rza Zərrab arasında eşq xəbərlərini yazmaqla kifayətlənməyib, xəbərləri Azərbaycan internet saytlarından da izləyir. Türk mətbuatına istinadən yazılan və Lent.az-ın da yaydığı həmin xəbərlər türk internet saytları tərəfindən böyük maraqla qarşılanır.
Türkiyənin “habertürk” internet qəzeti Azərbaycan mətbuatındakı xəbərləri maraqlı və qəribə adlandırıb. Qəzet internet saytlarından xəbərləri sitat gətirməklə oxucuları azəri sözlükləri ilə də tanış edib. “müğenni- şarkıcı, mexsus-mahsus, aparicı-yapimci, isti-sicak, axir-son, il-yıl, ulduz-yıldız, mahnı-şarkı, kef çəkmək-keyif yapmak, cüt-çift, öten həftə-geçen hafta, çöl- dışarı, aşıq- aşık, kadr-kadro, oktyabr-ekim, üzv-üye” sözlərini lüğət şəklində təqdim edən müxbir türkləri azəri türkcəsi ilə tanış edib.
Lalə Yusifqızı