Flora Kərimova barışmaq istəmir

Vəkil barışıq xəbərini təkzb etdi

Flora Kərimovanın vəkili Yunus Vəliyev xanım müğənninin Faiq Ağayevə barışıq təklif etməsi barədə məlumatı təkzib edib. Vəkil xalq artisti Flora Kərimovanın Faiq Ağayevə barışıq təklif etməsi xəbərinə belə aydınlıq gətirib: “Məhkəmə prosesinin əvvəlində həqiqətən də Qurban bəy elə bir təklif etmişdi. Dedi ki, bəlkə barışsınlar. Flora xanımın da iki vəkili var, bilirsiniz, biri İlhamə Qasımova, biri də mənəm. Qurban Məmmədov isə şəxsi nümayəndəsidir. Bizim ikimizdə də belə bir informasiya var ki, Flora xanım barışıq istəmir. Lakin biz hakimdən icazə alıb, Flora xanımla telefon əlaqəsi yaratdıq. O da cavabında barışıq fikrində olmadığını deyib”.

Vəkil Flora Kərimovanın barışmaq fikrində olmadığını dedi: “Yəni Qurban Məmmədov tərəfindən gələn təklifin, daha da doğrusu, sözgəlişi fikrin təsdiqi olmayıb. Biz ancaq Flora xanımın mövqeyindən çıxış edirik. Barışıq təklifimiz olmayıb, barışmaq fikrində də deyilik”.

Lalə Yusifqızı