Röya: “Kəlbəcərin işğalı günüdür, baxın efirdə kimlər rəqs edir?!”

Mətbuat katibi sənətçinin şikayətini çatdırıb

Röya Ayxanın 31 mart soyqırımı günündə klip çəkdirməsi barədə KİV-də yayılan xəbər Röyanın narazılığına səbəb olub. Sənətçinin mətbuat katibi Lent.az-a telefon açaraq, xəbərə aydınlıq gətirib: “Bu məsələ Röyanı narahat edib. Əvvəla, onu deyim ki, klipin mövzusu lirik mövzudur. Bu, Röyanın böyük layihələrindən biridir. O, klip vasitəsi ilə unudulan qocaları, insanları onları unudanların diqqətinə çatdırmaq fikrindədir. Röya tez-tez uşaqlar, qocalar evinə, bayram günləri hədiyyələrlə gedir. O ki qaldı Röyanın soyqırım günü klip çəkdirməsi xəbərinə, rejissor da təsdiq edə bilər ki, çəkiliş artıq ayın 30-da başlamışdı. Bu nə əyləncəli mahnı, nə də mövzudur. Elə faciələrimizdən biridir”.

Ü. Alovlu sənətçinin adının tez-tez xoşagəlməz xəbərlərdə hallanmasindan narahat olduğunu dilə gətirib: “Röyanın hər addımı olay olur. Bu gün Kəlbəcərin işğalı günüdür, baxın səhərdən kimlər efirdə rəqs edir?!”.

Lalə Yusifqızı