Rəqsanənin saç ustasına 3500 manat borcu var
04 fevral 2010 18:00 (UTC +04:00)

Rəqsanənin saç ustasına 3500 manat borcu var

Müğənni Rəqsanənin başı yenə dərddədir. Lent.az-a daxil olan məlumata görə, müğənni saç ustası Pərvizə nə az, nə çox - düz 3500 manat borcludur. Borcunu geri almaq istəyən saç ustası müğənniyə və prodüserinə dəfələrlə müraciət etsə də, hələlik bir nəticə əldə edə bilməyib.

Qeyd edək ki, müğənninin prodüseri Təranə Səmədova xəbərin həqiqətə uyğun olmadığını deyib.

Saç ustası Pərviz isə Lent.az-a açıqlamasında həqiqətən də belə bir borcun olduğunu, Təranə Səmədova ilə Lent.az-ın müxbirinin söhbətindən sonra Rəqsanə ilə telefon söhbəti olduğunu və məsələnin həll etdiklərini bildirib: “Bu borc neçə vaxt idi ki, üst-üstə yığmışdı, həqiqətən də belə bir borc var. Lakin biz onunla artıq razılığa gəlmişik”.

Müğənni Rəqsanə isə xəbəri qəti şəkildə təkzib edib: “Mənim heç kimə borcum yoxdur”.

Leyla
# 327

Oxşar yazılar