Sosial şəbəkələrdə kriminal həyat tərzi ilə bağlı paylaşımlar edən Elmar Kərimovun anasının bəzi internet resurslarında səsləndirdiyi iddialar yayılıb.
Lent.az-ın məlumatına görə özünü “Piter Elmar” kimi qələmə verən Elmar Kərimov DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən narkotik vasitələrinin qanunsuz dövriyyəsinə qarşı həyata keçirilən əməliyyat tədbirləri nəticəsində saxlanılaraq həbs olunub.
DİN-in Mətbuat Xidmətinin əməkdaşı Elbrus İbrahimov Lent.az-ın sorğusuna cavab olaraq bildirib ki, əvvəllər dəfələrlə məhkum olunmuş 33 yaşlı E.Kərimovun anasının övladının həbsi ilə bağlı səsələndirdiyi iddialar onun əməlləri ilə uyğunluq təşkil etmir.
O, narkotik vasitələrlə əlaqəli polisin keçirdiyi tədbirlərlə saxlanılıb.
Saxlanılan zaman şəxsin üzərindən külli miqdarda psixotrop maddə olan metamfetamin aşkarlanıb.
E.Kərimovun ətrafında hazırda zəruri istintaq və əməliyyat tədbirləri davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
