Türkiyədə gənc oğlan iş yoldaşını öldürərək meyitini soyuducuda gizlədib.
Lent.az yerli mediaya istinadla bildirir ki, Aksaray şəhərində bir fabrikdə işləyən 54 yaşlı Tekin Altıntağla əlaqə saxlaya bilməyən yaxınları polisə müraciət ediblər. Axtarışlar zamanı Altıntağa məxsus avtomobil yol kənarında tərk edilmiş halda aşkarlanıb.
Axtarışları genişləndirən polislər onun işlədiyi fabrikin ətrafındakı kameraları izləyiblər. Nəticədə Tekin Altıntağın itkin düşdüyü gün fabrikdən çıxan avtomobilin Niğde rayonunun Altınhisar qəsəbəsi istiqamətində getdiyi məlum olub. Bu istiqamətdə axtarışlara başlayan polis qəsəbə ərazisində yol kənarındakı qayalıqlarda bir soyuducu olduğunu görüb. Soyuducunu açanda isə içərisində Altıntağın meyiti aşkarlanıb.
Fabrikdən çıxan avtomobili idarə edən 27 yaşlı Y.C.K. saxlanılıb. Onun Tekin Altıntağı tapança ilə vuraraq, öldürdüyü müəyyənləşib.
Araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
