ABŞ-ın yeni seçilmiş prezidenti Donald Tramp inauqurasiya mərasiminə bir neçə gün qalmış sosial media hesablarında “TRUMP” adlı yeni kriptivalyuta buraxdığını açıqlayıb.
Lent.az xəbər verir ki, “Coinmarketcap”ın məlumatlarına görə, son 24 saatda 106,4 faiz artaraq 21,4 dollara çatan “TRUMP” adlı sikkənin bazar dəyəri təxminən 4,3 milyard dollardır.
Trampın “X” və “Truth” hesablarında bazara çıxarılan yeni kriptovalyuta ilə bağlı elan da yer alıb.
“Coinmarketcap” analiz şirkətinin məlumatına görə sikkə bazar dəyərinə görə 33-cü yerdədir.
Digər tərəfdən, bəzi istifadəçilər sosial şəbəkədəki elanın altında Trampın hesabının hakerlər tərəfindən ələ keçirilə biləcəyi ilə bağlı şərhlər yazıblar.
Trampın açıqlamaları ilə paylaşdığı internet saytında “TRUMP” adlı sikkənin məşhur kriptovalyutalardan biri olan Solana şəbəkəsi üzərindən dövriyyəyə buraxıldığı məlum olub. Cəmi 200 milyon sikkənin dövriyyədə olduğu və bu məbləğin üç il ərzində 1 milyarda çatacağı bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
