“Google”a şok cəza!

Türkiyəyə 71 milyon lirə vergi təzminatı ödəməlidir

İstanbul Vergi Departamenti internet axtarış saytı olan ‘Google” ilə bağlı apardığı araşdırmanı tamamlayıb.

Lent.az-ın Türkiyənin NTV telekanalına istinadən verdiyi məlumata görə, aparılan araşdırmanın nəticəsi olaraq “Google”nin 71 milyon türk lirəsi məbləğində vergi təzminatı ödəməsi barədə qərar çıxarılıb.

Araşdırmalar zamanı məlum olub ki, “Google”nin İrlandiyada qeydə alınan törəmə şirkəti Türkiyədəki biznes qurumlarından, şirkətlərdən reklam və elanlarını alınmasını, saytda yerləşdirilməsini “Google”nin Türkiyədə rəsmi təmsilçisi olan ‘Google Reklam və Satış Ltd” şirkətinin vasitəsiylə həyata keçirib. Ancaq ‘Google”nin Irlandiyada qeydə alınan törəmə şirkəti bu elan və reklamları guya “Google Reklam və Satış Ltd” şirkətinin deyil, məhz özünün aldığı görüntüsünü yaradıb və reklam, elan üçün ödənilən vəsait xaricdəki hesaba köçürülüb. Bu zaman Türkiyə dövləti vergi məsələsində ziyana düşüb.

“Google” bu səbəbdən Türkiyəyə 71 milyon lirə vergi təzminatı ödəməlidir.