“Bahar Energy” də Şəffaflıq Təşəbbüsünə qoşuldu

Dövlət Neft Fondunun mətbuat xidmətindən Lent.az-a bildiriblər ki, fevralın 11-də “Bahar Energy Operating Company Limited” şirkəti Azərbaycanda tətbiqinə dair Qarşılıqlı Anlaşma Memorandumuna qoşulması barədə aktı imzalayıb. Bu isə o deməkdir ki, “"Bahar Energy Operating Company Limited” Memoranduma qoşulmuş digər şirkətlər kimi növbəti – 14-cü hesabat dövrü (2010-cu il) üzrə Azərbaycan hökumətinə ödənişləri barədə hesabat verəcək.

Bununla da MHŞT-nin Azərbaycanda tətbiqinə dair Memorandumu imzalamış şirkətlərin sayı 31-ə çatıb. Memorandum 2004-cü il noyabrın 24-də MHŞT-nin Azərbaycanda həyata keçirilməsi prosesinə qoşulmuş 21 xarici və yerli hasilat sənayesi şirkətləri, o cümlədən ARDNŞ, BP Azərbaycan, Exxon, Statoil, Total, Lukoil, Chevron, Shell, Devon Enerji kimi böyük şirkətlər tərəfindən imzalanıb. Sonradan Memoranduma daha 9 şirkət - Inpex Azərbaycan, Binəqədi Oil, RAFI Oil, NİCO, Apsheron Investments Ltd, GDF SUEZ Eksploreyşn Kaspian B.V., Azərbaycan İnterneyşnl Mayninq Kompani Limited və Neftechala Operating Company Ltd, Shirvan Operating Company Limited şirkətləri qoşulub.

Elxan SALAHOV