Azərbaycanda təbii qazla təmin olunan abonentlərin sayı 1,4 milyonu ötdü

ARDNŞ-in “Azəriqaz” İstehsalat Birliyi tərəfindən istehlakçıların təbii qazla fasiləsiz təchiz edilməsi istiqamətində görülən işlərin nəticəsi olaraq ölkə üzrə təbii qazla təmin olunan abonentlərin sayı 1 434 346-ya çatıb. Lent.az-ın ARDNŞ-in rəsmi saytına istinadən verdiyi məlumata görə, oktyabrın 1-nə olan məlumata görə bunların 1416716 əhali, 17630 qeyri-əhali abonentidir. Bu abonentlərin 6 477 949-u Bakı şəhəri (638539 əhali, 9410 qeyri-əhali abonenti), 786397-si isə regionların payına düşür (778177 əhali, 8220 qeyri-əhali). Ümumilikdə 1 433 294 abonent sayğaclaşdırılıb ki, bunların da 1415664-ü əhali (99,9 faiz), 17630-u qeyri-əhali (100 faiz) istehlakçılarıdır.

Sayğaclaşdırmanın nisbətinə gəlincə, Bakı şəhəri üzrə 637961 əhali abonenti (99,9 faiz), 9410 qeyri-əhali abonenti (100 faiz), regionlar üzrə isə 777703 əhali abonenti (99,9 faiz) və 8220 qeyri-əhali abonenti (100 faiz). Ümumilikdə Bakı şəhəri üzrə 647371 abonent (99,9 faiz), regionlar üzrə isə 785923 abonent (99,9 faiz) sayğaclaşdırılıb. Ötən müddətdə əhali abonentlərinin mənzillərində 466 mindən artıq “smart-kart” tipli qaz sayğacları quraşdırılıb.