Futbol üzrə Topa Premyer Liqasında XVIII tura start verilib. Lent.az-ın məlumatına görə, ilk oyun günündə 4 qarşılaşma baş tutub.
Mərkəzi görüş “Qarabağ”la “Xəzər Lənkəran” arasında keçirilib. Oyunun taleyini Vüqar Nadirovun qolu həll edib. Bu məğlubiyyətdən sonra Lənkəran təmsilçisi 24 xalla 6-cı pillədə qalıb. Xallarını 25-ə çatdıran “Qarabağ” isə 2-ci pilləyə yüksəlib. “Simurq” “Rəvan” üzərində minimal hesablı qələbə sayəsində ən azı 2 gün müddətinə vahid liderliyi ələ alıb. Hazırda Zaqatala təmsilçisinin aktivində 33 xal var. 16 xalı olan “Rəvan” isə 11-ci pillədə qalıb. “Qəbələ” Tovuzda “Turan”ın qapısından 2 cavabsız top keçirib. Bununla da 28 xala malik baş məşqçi Ramiz Məmmədovun komandası 4-cü pilləyə yüksəlib. Əvəzində “Turan” 20 xalla 9-cu pillədə qalıb. Nəhayət, “Sumqayıt” autsayder “Kəpəz”ə 2:1 hesabı ilə qalib gələrək, 20 xalla 8-ci pilləyə qalxıb. “Kəpəz” isə 9 xalla 12-ci pillədə qalıb.
20 dekabr (çərşənbə axşamı)
“Turan” (Tovuz) – “Qəbələ” – 0:2
Qollar: Rəşad Abdullayev, 76-penalti ilə. Dodo, 88
“Simurq” (Zaqatala) – “Rəvan” (Bakı) – 1:0
Qol: Zdravko Popoviç, 90+2
“Sumqayıt” – “Kəpəz” (Gəncə) – 2:1
Qollar: Sabir Allahquliyev, 89. Məhəmməd Mirzəbəyov, 90+1 – Emin İmaməliyev, 47
“Qarabağ” (Ağdam) – “Xəzər Lənkəran” – 1:0
Qol: Vüqar Nadirov, 74
22 dekabr (şənbə)
17:00. “Neftçi” (Bakı) – AZAL (Bakı)
Hakimlər: Elçin Məmmədov, Rahil Ramazanov, Elşən Acalov, İnqilab Məmmədov
Bakı, “8-ci km stadionu”
15:00. “İnter” (Bakı) – “Bakı”
Hakimlər: Rauf Cabbarov, İlham Əliyev, Coşqun Həsənov, Feyzulla Feyzullayev
Bakı, “Şəfa” stadionu.