Türkiyə milli komandasının futbolçusu Arda Turan İspaniya “Atletiko”su ilə yeni müqavilə bağlayıb. Lent.az-ın məlumatına görə, 26 yaşlı yarımmüdafiəçi 2015-ci ilədək nəzərdə tutulan əvvəlki anlaşmasını 2017-ci il iyunun 30-dək uzadıb.
İspanca bilmədiyi üçün mətbuat konfransı keçirməyən Arda klubun rəsmi saytına danışıb. O, “Atletiko” ilə müqaviləsini yeniləməkdən məmnunluq hiss keçirdiyini bildirib: “Burada 2 il çıxış etdikdən sonra özümü böyük ailənin bir hissəsi kimi hiss edirəm. Bunların hamısı komanda yoldaşlarımın sayəsində mümkün olub. Təkcə onlara deyil, bütün texniki heyətə minnətdaram”.
Qeyd edək ki, Arda Turan “Atletiko”ya 2011-2012-ci il mövsümündə keçib. O, son 2 mövsümdə Avropa Liqasını, UEFA Superkubokunu və İspaniya Kubokunu qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
