“Real”ın hücumçusu Alvaro Morata komandanı tərk edəcəyi ilə bağlı yayılan söz-söhbətlərə son qoyub. Apasport.az saytının xarici mətbuata istinadən məlumatına görə, ulduz futbolçu “kral klubu”nu tərk etmək fikrində deyil.
Moratanın adı son vaxtlar daha çox “Milan”la hallanmasına baxmayaraq, o, “rossonyerlər”ə keçməyi düşünmədiyini söyləyib: “Növbəti mövsüm komandanın aparıcı simalarından biri olmaq istəyirəm. Çünki gələn il dünya çempionatı keçiriləcək. Əsas heyət uğrunda mübarizə aparmaq fikrindəyəm. “Real”dan getsəm, dəli olaram. A seriyasında oynamaq təcrübəm olmasına baxmayaraq, İtaliyaya dönüşüm çətin baş tutsun. “Real”da qalmaq arzusundayam. İtaliyada isə mənim üçün yeganə klub “Yuventus”du”.
Qeyd edək ki, Morata “Milan”la yanaşı, “Çelsi”, PSJ və “Mançester Yunayted”in də maraq dairəsindədi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
