Ronaldo "Çelsi" yaxud "Mançester Siti"də oynayacaq

Futbol tarixinin ən yaxşı bombardiri, Səudiyyə Ərəbistanının “Əl-Nəsr” klubunda çıxış edən Kriştiano Ronaldo klubu dəyişə bilər.

Lent.az xəbər verir ki, “Sport Bible”ın tanınmış ərəb jurnalisti Nasir Cabbarın sözlərinə görə, Ronaldo 2025-ci ildə keçiriləcək Klublararası Dünya Çempionatında iştirak etmək üçün “Əl-Nəsr”dən ayrılmağı düşünür. Londonun "Çelsi" və "Mançester Siti" klubları Ronaldonu transfer etməkdə maraqlıdır.

Ronaldo turnirdə iştirak etmək üçün bu klublardan biri ilə bir aylıq müqavilə bağlaya bilər.

Xatırladaq ki, portuqaliyalı uzun müddət Çempionlar Liqasının qalibi olduğu digər İngiltərə nəhəngi “Mançester Yunayted”də çıxış edib. Daha əvvəl bildirilib ki, Ronaldo dünya çempionatında iştirak etmək üçün eyni sxem üzrə “İnter Mayami” ilə müqavilə bağlaya bilər.