PSJ çempion oldu: Neymar  poker oynadı,   əyləndi - VİDEO
30 may 2023 11:13 (UTC +04:00)

PSJ çempion oldu: Neymar poker oynadı, əyləndi - VİDEO

Liqa 1-in sondan əvvəlki turunda PSJ “Strasburq”la heç-heçə (1:1) sayəsində daha bir liqa çempionu oldu. Parislilərin yeganə qolunu Lionel Messi vurub, ötürməni Kilian Mbappe edib.
 
Lent.az xarici mediaya istinadla xəbər verir ki, son üç ay ərzində PSJ-ni çempionluğa məhz bu duet (martın əvvəlindən bu ikili 15 qol və 10 məhsuldar ötürmə) sürükləyirdi, lakin ulduz üçlüyün digər üzvü Neymar sonuncu oyununu fevralda keçirib.

Qışda braziliyalı "Lill"lə oyunda topuğundan zədələnib - o, əməliyyat masasına gedib yaydan əvvəl meydançaya qayıtmaq şansları ilə vidalaşmalı olub. Baxmayaraq ki, zədədən əvvəl Neymar ən azı statistika baxımından ən yaxşı mövsümlərdən birini keçirirdi: 29 oyunda "qol + ötürmə" ilə 18 + 17 qol vurub.
 
Neymardan əvvəl Fransada futbola münasibətlə bağlı suallar var idi. Və deyəsən, braziliyalı azarkeşlərə nifrət üçün daha bir səbəb verib. Mətbuat 31 yaşlı cinah oyunçusunun çempionluq elan edildikdən sonra PSJ-nin soyunub-geyinmə otağında olmamasına diqqət çəkib.
 
Baxmayaraq ki, məsələn, iştirak ərizəsinə daxil olmayan Presnel Kimpembe, Markinyus və Əşrəf Hakimi yenə də oyun zamanı stadiona gəliblər.
Parisli baş məşqçi Kristof Qaltye mətbuat konfransında Neymarı müdafiə edib: “Onun üçün hərəkət etmək çətindir, lakin o, son məşqdə paltardəyişmə otağında idi. Nəticələrə tələsməyin. O, mövsümün ilk hissəsində inanılmaz idi”.
 
Və hər şey yaxşı olardı, amma sosial şəbəkələrdə braziliyalının yoxluğunun əsl səbəbini açıqlayıblar - Neymar bir gün əvvəl Monte Karlo kazinosunda diqqət çəkib.

“Bild”in məlumatına görə, futbolçu Neymar “Redd Bull” şirkətinin dəvəti ilə “Formula 1” Qran Prisi üçün Monako knyazlığına gəlib. Eyni zamanda şirkət braziliyalının Monte Karloya bazar günü gələcəyini gözləsə də, idmançı bir gün tez gəlib.


 
 “Qran Pri” zamanı Neymar necə lazımdır istirahət edir. O, “Red Bull” komandasını salamlayıt (yanında bir şüşə enerji içkisi götürməyi unutmayıb), eyni zamanda həm onları, həm də “Mercedes” pilotu Lyuis Həmiltonu dəstəklədiyini etiraf edir (bu, hər kəsi heyran edir), həmçinin hörümçək adam rolunu oynayan Tom Hollandla şəkil çəkdirir.
 
PSJ mövzusuna qayıdaq: Neymar buna baxmayaraq, komanda yoldaşlarını qələbə münasibətilə təbrik edib, ancaq kifayət qədər konkret. Braziliyalı bu hekayəni sosial şəbəkədə "Fransada bir nömrə" yazısı ilə yerləşdirib. Çox qısa.
 
Neymarın hərəkətindən sonra PSJ-nin sanksiyalarına məruz qalacağı və ya rəhbərliyin futbolçunun hərəkətindən xəbəri olub-olmadığı məlum deyil. Hər halda, xarici mətbuat klubun braziliyalını bu yay satmağa hazırlaşdığını yazır. “Mançester Yunayted” və “Çelsi”nin maraqlandığı haqda danışılır, lakin hələlik konkret danışıqlar barədə məlumat yoxdur.
 

# 1326
avatar

Oxşar yazılar