Valensiya mövsümü erkən bitirdi - FOTO

Lent.az-ın “The Daily Telegraph”a istinadən məlumatına görə, bu haqda “qırmızı şeytanlar”ın baş məşqçisi Aleks Ferqyuson açıqlama verib.

Valensiya “Mançester Yunayted”lə Şotlandiya “Reyncers”i arasında sentyabrın 14-də keçirilmiş Çempionlar Liqası matçında ayağını qırıb. Ferqyuson 25 yaşlı cinah yarımmüdafiəçisinin uzun müddət yaşıl meydanlarda görünməyəcəyini bildirib. Onun fikrincə, Valensiyanın zədəsi komandanın sabiq futbolçusu Alan Smitin 2006-cı ildə aldığı xəsarətin oxşarıdır. Smit həmin zədə üzündən 8 ay oynamayıb.

Qeyd edək ki, Çempionlar Liqasında C qrupunda yer alan “Mançester Yunayted”lə “Reycers” arasındakı görüş 0:0 hesablı heç-heçə ilə nəticələnib. Qrupun digər matçında Türkiyədə “Bursaspor”u 4:0 hesabı ilə yenən İspaniya “Valensiya”sı 3 xalla vahid liderə çevrilib.