Avropa Liqası: İngiltərənin iki klubu yarımfinalda

Futbol üzrə Avropa Liqasında ¼ final mərhələsinin cavab görüşləri keçirilib. Lent.az-ın məlumatına görə, İngiltərənin “Liverpul” və “Fulhem”, İspaniyanın “Atletiko” və Almaniyanın “Hamburq” klubları yarımfinala yüksəlib.

Cavab oyunlarında meydan sahiblərindən yalnız “Liverpul” qələbə qazana bilib. Qalan görüşlərdə qonaqlar əldə etdikləri sərfəli nəticə sayəsində mərhələ adlayıblar.

"Volfsburq" (Almaniya) - "Fulhem" (İngiltərə) – 0:1
Bobbi Zamora, 1
İlk oyun – 1:2

"Standard" (Belçika) - "Hamburq" (Almaniya) – 1:3
İqor de Kamarqo, 33 – Mladen Petriç, 20; 35. Xose Paolo Gerrero, 90
İlk oyun – 1:2

"Atletiko" (İspaniya) - "Valensiya" (İspaniya) – 0:0
İlk oyun – 2:2

"Liverpul" (İngiltərə) - "Benfika" (Portuqaliya) – 4:1
Dirk Kuyt, 27. Lukas Leyva, 34. Fernando Torres, 59; 82 – Oskar Kardozo, 70
İlk oyun – 1:2

Aprelin 22-də və 29-da keçiriləcək yarımfinal görüşlərində “Hamburq” “Fulhem”lə, “Atletiko” isə “Liverpul”la qarşılaşacaq.