“İnter” “Xəzər-Lənkəran”ı liderliyə buraxmadı

Bu gün futbol üzrə Unibank Premyer Liqasında XXV tura start verilib.

Lent.az-ın məlumatına görə, ilk oyun günündə keçirilən 4 qarşılaşmadan 3-ü artıq yekunlaşıb.

"Qarabağ" klubu ilk "6-lıq"da ardıcıl 2 məğlubiyyətdən sonra ilk xalını qazanıb. Azərbaycan Kubokunun son sahibi Ağdamdakı Quzanlı Olimpiya Kompleksinin stadionunda "İnter"ə məğlubiyyətdən çətinliklə yaxa qurtara bilib. Heç-heçəyə baxmayaraq, "İnter" turu lider kimi başa vuracaq. Hazırda 22 xala malik baş məşqçi Kaxaber Tsxadadzenin komandası ən yaxın izləyicisi "Xəzər-Lənkəran"dan 4 xal irəlidədir. "Xəzər-Lənkəran" hazırda davam edən görüşdə "Neftçi"yenəcəyi halda, liderlə xal fərqini 1-ə endirəcək.

İkinci "6-lıq"dakı qarşılaşmalara gəldikdə, "Muğan" "Standard"ı yenərək, təhlükəli zonadan uzaqlaşıb. "Turan"la "Simurq" isə qolsuz heç-heçəyə nail olublar.

“Qarabağ” – “İnter” - 1:1
Aslan Kərimov, 86 - Samir Abasov, 45

“Turan” – “Simurq” - 0:0

“Muğan” – “Standard” - 1:0
Vadim Kriçmar, 34.