Çempionlar Liqasının qrup mərhələsinin püşkü atılır
26 avqust 2010 11:12 (UTC +04:00)

Çempionlar Liqasının qrup mərhələsinin püşkü atılır

Lent.az-ın məlumatına görə, Bakı vaxtı ilə saat 21:00-da başlanacaq mərasim Monakoda təşkil olunacaq.

Artıq qrup mərhələsinin bütün iştirakçıları müəyyənləşib. Sonuncu vəsiqələrə avqustun 25-də ilk dəfə “Jilina” və “Tottenhem”, Çempionlar Liqasının keçmiş qalibi “Ayaks”, habelə “Oser” və “Kopenhagen” sahib çıxıb. Bundan bir gün öncə “Hapoel” (Təl-Əviv), “Bazel”, “Partizan”, “Braqa” və “Verder” də adını əsas mərhələyə yazdırıb. Daha 22 komanda, o cümlədən, Çempionlar Liqasının hazırkı qalibi “İnter” qrup mərhələsinə birbaşa yüksəlib.

Ümumiyyətlə, qrup mərhələsində 18 ölkə təmsil olunacaq. Onlardan Türkiyənin yeganə təmsilçisi “Bursaspor”, eləcə də “Tottenhem”, “Jilina”, “Braqa” və “Tvente” əvvəllər qitənin ən nüfuzlu klub turnirinin qrup mərhələsində çıxış etməyib. Digər tərəfdən, “Mançester Yunayted” Çempionlar Liqasının 19 mövsümünün 16-da iştirak edəcək. Bununla da “qırmızı şeytanlar” rekord müəyyənləşdiriblər.

Püşkatma öncəsi 32 komanda öz əmsallarına əsasən, 4 səbətə bölünüb. Püşk zamanı hər səbətdən 1 komanda götürülməklə, 8 qrup formalaşdırılacaq. Eyni ölkənin komandaları bu mərhələdə bir-biri ilə görüşə bilməz.

1-ci səbət: “İnter” (İtaliya), “Barselona” (İspaniya), “Mançester Yunayted” (İngiltərə), “Çelsi” (İngiltərə), “Arsenal” (İngiltərə), “Bavariya” (Almaniya), “Milan” (İtaliya), “Lion” (Fransa)

2-ci səbət: “Verder” (Almaniya), “Real” (İspaniya), “Roma” (İtaliya), “Şaxtyor” (Ukrayna), “Benfika” (Portuqaliya), “Valensiya” (İspaniya), “Marsel” (Fransa), “Panatinaikos” (Yunanıstan)

3-cü səbət: “Tottenhem” (İngiltərə), “Reyncers” (Şotlandiya), “Ayaks” (Hollandiya), “Şalke-04” (Almaniya), “Bazel” (İsveçrə), “Braqa” (Portuqaliya), “Kopenhagen” (Danimarka), “Spartak” (Moskva, Rusiya)

4-cü səbət: “Hapoel” (Təl-Əviv, İsrail), “Tvente” (Hollandiya), “Rubin” (Rusiya), “Oser” (Fransa), ÇFR (Rumıniya), “Partizan” (Serbiya), “Jilina” (Slovakiya), “Bursaspor” (Türkiyə).
# 524

Oxşar yazılar