Niyə pişiklər gecələr səs-küylü olurlar?

Ev pişikləri sirli varlıqlardır. Gündüzlər günəş işığında mürgüləyirlər, amma qaranlıq çökən kimi enerjili bir fırtına kimi evin içində qaçmağa başlayırlar. Bir çox pişik sahibi bu fenomenlə qarşılaşıb – buna "gecə çılğınlığı" və ya "pişik sehr saatı" deyilir.

Heyvan davranışı üzrə mütəxəssis Adrienne Farricelli pişiklərin belə davranışının səbəblərini təkamül tarixində axtarmağın vacib olduğunu bildirir.

Lent.az pişiklərin gecə aktivliyinin səbəblərini sizə təqdim edir:

1. Onlar sübh və axşam ovçularıdır
Pişiklər təbiətdə sübh və axşam saatlarında daha aktiv olurlar, çünki onların ovları (siçanlar, quşlar) bu zaman hərəkətdə olur. Buna görə də pişiklər gündüz yataraq gecəyə enerji yığırlar.

2. İşığa reaksiya verirlər
Əgər evdə gecə işıq yanırsa, pişik bunu gündüz kimi qəbul edə bilər və aktivliyini artırar.

3. Onlara darıxdırıcı olur
Xüsusilə gənc və enerjili pişiklər gündüz tək qalırsa, axşam sahibləri evə gələndə onların diqqətini çəkmək üçün çox aktiv olurlar.

4. Ünsiyyətə ehtiyac duyurlar
Gün boyu tək qalan pişiklər diqqət cəlb etmək üçün qaçır, miyoldayır və ya divarlara tullanır.

5. Xarici səslərə reaksiya verirlər
Bəzən pişiklər evdə çöldən gələn səslər və ya divar arxasında olan gəmiricilər səbəbindən narahat olurlar.

6. Sağlamlıq problemləri ola bilər
Gecə davranışında qəfil dəyişiklik varsa, bu, sağlamlıq problemlərinin əlaməti ola bilər. 10 yaşdan yuxarı yaşlı pişiklərdə Altsheymer xəstəliyinə bənzər zehni geriləmə baş verə bilər. Əlamətlər:

Boşluğa uzun müddət baxmaq
Gecə çox miyoldamaq

Pişiyi gecə necə sakitləşdirmək olar?
Gecə yatmazdan əvvəl onunla oynayın – aktiv oyunlar enerjisini boşaltmağa kömək edəcək.
Oyundan sonra yemək verin – tox pişik daha tez yatır.
Gündüz onu əyləndirin – interaktiv oyuncaqlar və pişik pilləkənləri ilə məşğul edin.
Gecə diqqət çəkmə cəhdlərini görməməzlikdən gəlin – reaksiya versəniz, bunu vərdiş edəcək.
Onun davranışını qeyd edin – eyni saatlarda aktiv olursa, bunu nəzarət altında saxlamaq olar.
İkinci bir pişik götürməyi düşünün – yoldaşlıq bəzi pişiklər üçün yaxşı həll ola bilər.
Gecə işıqları söndürün – qaranlıq pişiyin yuxu rejimini normallaşdırmağa kömək edir.
Veterinar məsləhəti alın – davranış qəfil dəyişibsə, sağlamlıq problemləri yoxlanmalıdır. Bu məsləhətləri tətbiq edərək pişiyinizin yuxu rejimini öz rejiminizə uyğunlaşdırmaq mümkündür