Zaqatalada iki maşın toqquşdu: yaralananlar var - YENİLƏNİB

Zaqatalada baş verən yol-nəqliyyat hadisəsi zamanı xəsarət alan şəxslərin kimliyi məlum olub.

Lent.az-ın məlumatına görə, qəza zamanı xəsarət alanlar aşağıdakılardır:

“VAZ 2102” markalı avtomobilin sürücüsü 1969-cu il təvəllüdlü Qax rayonu Güllük kənd sakini Natiq Bayram oğlu Hudulov.

VAZ 2107 markalı avtomobilin sürücüsü 2004-cü il təvəllüdlü Ağcabədi rayon sakini Amil Loğman oğlu Şirinov.

“VAZ 2107” markalı avtomobildə olan sərnişinlər - 2012-ci il təvəllüdlü Ağcabədi rayon sakini Hüseyn Loğman oğlu Şirinzadə, 1978-ci il təvəllüdlü Ağcabədi rayon sakini Loğman Rəcəb oğlu Şirinov və 1985-ci il təvəllüdlü Ağcabədi rayon sakini Əminət Rafail qızı Şirinovadır.

Qeyd edək ki, qəzaya uğrayan Ağcabədi rayon sakinləri bir ailənin üzvləridir.

***

21:54

Zaqatalada iki avtomobil toqquşub.

Lent.az xəbər verir ki, hadisə axşam saatlarında Qax-Zaqatala avtomobil yolunun Zaqatala rayonu Çobakol kəndindən keçən hissəsində baş verib.

İlkin məlumata görə, Qax rayon Güllük kənd sakininin idarə etdiyi "VAZ 2102" markalı minik avtomobili, Ağcabədi rayon sakininin idarə etdiyi "VAZ 2107" markalı minik avtomobili ilə toqquşub.

Qəza nəticəsində bir-neçə nəfərin xəsarət aldığı bildirilir.

Yaralılar Zaqatala Rayon Mərkəzi Xəstəxanasına yerləşdiriliblər.